అగ్ర కథానాయిక అనుష్క టైటిల్‌ రోల్‌లో గుణా టీమ్‌ వర్క్స్‌ పతాకంపై శ్రీమతి రాగిణీి గుణ సమర్పణలో డైనమిక్‌ డైరెక్టర్‌ దర్శక నిర్మాతగా రూపొందుతున్న భారతదేశపు తొలి హిస్టారికల్‌ స్టీరియోస్కోపిక్‌ 3డి చిత్రం ‘రుద్రమదేవి’. ఈ చిత్రంలోని గోనగన్నారెడ్డి పాత్రను స్టైలిష్‌స్టార్‌ అల్లు అర్జున్‌ పోషిస్తున్న విషయం తెలిసిందే. ఈ పాత్ర చిత్రీకరణ ఈరోజు జూలై 4న హైదరాబాద్‌లోని గోపనపల్లిలో పద్మశ్రీ తోట తరణి సారధ్యంలో వేసిన ఏడు కోట గోడల భారీ సెట్‌లో ప్రారంభమైంది. ఈ సందర్భంగా దర్శకనిర్మాత గుణశేఖర్‌ మాట్లాడుతూ ` ‘‘ఈరోజు గోనగన్నారెడ్డి పాత్ర చిత్రీకరణ ప్రారంభించాం. పద్మశ్రీ తోట తరణిగారు వేసిన ఏడు కోట గోడల అద్భుతమైన సెట్‌లో గోనగన్నారెడ్డిగా అల్లు అర్జున్‌తో చిత్రీకరణ ప్రారంభించాం. అల్లు అర్జున్‌తోపాటు వందలాది జూనియర్‌ ఆర్టిస్టులతో 40 రోజులపాటు ఏకధాటిగా షూటింగ్‌ జరుగుతుంది. ఈ షెడ్యూల్‌లో అల్లు అర్జున్‌తోపాటు అనుష్క, రానా, ప్రకాష్‌రాజ్‌, కృష్ణంరాజు, హంసానందిని ఇంకా చిత్రంలోని ప్రధాన తారాగణం అంతా పాల్గొంటారు. గోనగన్నారెడ్డి అల్లు అర్జున్‌ సరసన నటిస్తున్న కేథరిన్‌ త్రిసా కూడా పాల్గొంటారు. 40 రోజుల పాటు అల్లు అర్జున్‌ పాల్గొనే ఈ షెడ్యూల్‌తో ‘రుద్రమదేవి’ దాదాపుగా పూర్తవుతుంది. గోనగన్నారెడ్డిగా అల్లు అర్జున్‌ అద్భుతంగా సెట్‌ అయ్యారు. ఈ సన్నివేశాల్ని చాలా లావిష్‌గా హై టెక్నికల్‌ వేల్యూస్‌తో రూపొందిస్తున్నాం. ‘రుద్రమదేవి’ చిత్రంలో గోనగన్నారెడ్డి పాత్ర స్పెషల్‌గా వుంటుంది. డిసెంబర్‌లో చిత్రాన్ని విడుదల చేసేందుకు ఏకధాటిగా షూటింగ్‌ జరుపుతున్నాం’’ అన్నారు.
No comments:
Post a Comment